اسلام آباد۔12جنوری  (اے پی پی): مزن وزیر محمد شہباز شریف مزن تک ءِ  ڈل ءِ ہمراہی ءَ  دوروچی سرکاری ترءُتاب ءَ متحدہ عرب اماراتءَ رہادگ بوتگ۔ پنچ شمبے ءِ روچءَ مزن وزیر ءِ  کارگس ءِ میڈیا ونگ ءِ  نیمگءَ چہ  شنگ بوتگیں بیان ء،ردءَ مزن وزیر وتی  ترءُ تاب ءِ وہدءَ  متحدہ عرب امارات ءِ صدر شیخ محمد بن زیدالنہیان ءَ گوں گندء ُنند  کنت ،  کہ آئی ءِ تہا دوئیں براتیں اسلامی ملک آنی نیام ءَ اقتصادی، بیپاری ء ُ زرکاری ءِ پڑآں کمک ءَ را گیش کنگ  ءُ یو اے ای ءَ پاکستانی مردمی قوت ءِ ھاترءَ موہ  ودی کنگ ءِ ہوالگءَ ھیال ءُ لیکہءِ درشانی کنگ بیت۔ دوئیں راہشون  دونیمگی ھدوناکی ءِ بازیں دمگی  ء ُ  میاں اوستمانی کارانی سرءَ ہم ھیال ءُ لیکہ ءِ درشانی ءَ کناں۔ مزن وزیر متحدہ عرب امارات ءِ مزن وزیر ء ُنائب صدر ء ُ دبئی ءِ   سروک شیخ محمد بن راشد المکتوم ءَ ہم گوں گندء ُنندکتگ۔ اے موہ ءَ مزن وزیر بیپار ء ُ زرکاری ءَ را گیش کنگ ءِ ھاترءَ  اماراتی بیپارء ُ زرکاراں گوں ہم گندء ُنند  کنت۔

متعلقہ مضامینمصنف کی طرف سے مزید