اسلام آباد۔12جنوری (اے پی پی):مزن وزیر محمد شہبا زشریف عرب امارات ءِ صدر شیخ محمد بن زید النہیانءِ دعوت ءَ( مرچی ) پنچ شمبے ِ رو چ ءَ مزن تک ءِ ڈ ل ءِ ہمراہی ءَ دو روچی سرکاری ترءُ تاب ءَ متحدہ عرب امارات ءَ رؤت۔ مزن وزیر کارگس ءِ میڈیا ونگ ءِ نیمگءَ چہ شنگ بوتگیں بیان ءِردءَ مزن وزیر متحدہ عرب امارات ءِ صدر شیخ محمد بن زیدالنہیان ءَ گوں گندء ُ نند کنت، کہ آئی ءِ تہا دوئیں براتیں اسلامی ملک آنی نیام ءَ اقتصادی، بیپار ی ء ُ زرکاری ءِ پڑآں کمک ءَ را گیش کنگ ء ُ یو اے ای ءَ پاکستانی افرادی قوت ءِ ھاترءَ موہ ودی کنگءِ ہوالگءَ گپ ءُ تران کنگ بیت۔ دوئیں راہشون دونیمگی ھدوناکی ءِ بازیں دمگی ء ُ میاں اوستمانی کارانی سرءَ ھیال ءُ لیکہ ءِ درشانی ءَ ہم کن اَنت۔ مزن وزیر متحدہ عرب امارات ءِ مزن وزیرء ُ نائب صدر ء ُ دبئی ء ِ سروک شیخ محمد بن راشد المکتوم ءَ گوں ہم گندء ُنند کنت۔ اے موہ ءَ مزن وزیر ، بیپاری ء ُ زرکاری ءَ را گیش کنگءِ ھاترءَ ماراتی بیپارء ُ زرکاراں گوں ہم گندء ُ نند کنت۔
