ابوظہبی۔ 13 جنوری (اے پی پی) وزیراعظم محمد شہباز شریف پارینے کہ اونا یواے ای نا دورہ ہڑتوم آ کنڈآتا سنگتی ءِ سٹریٹجک پارٹنر شپ اٹی بدل کننگ اٹ کمکار مریک۔ جمعہ  نادے آ پاکستان بزنس کونسل متحدہ عرب امارات نا ڈل اتون داڑے اوڑدہی ٹی گپ وتران کرسا وزیراعظم پارے کہ اودے دا خوشی مسنے کہ پاکستانی بزنس مین تینا خواری و آزموندہ ءِ کاریم اٹ اتسا متحدہ عرب امارات اٹی تینا و پاکستان نا پن ءِ روشنا کننگ اٹی ءُ۔ وزیراعظم پارے کہ متحدہ عرب امارات نا سرکڑدہ غاتون اونا اوڑدہی سرسہب مس، اونا دا دورہ ءِ پاکستان و متحدہ عرب امارات نا سنگتی ءِ اسٹریٹجک پارٹنر شپ اٹی بدل کننگ اٹ کمک ایتک۔ اوپارے کہ جنیوا کانفرنس اٹی جہانی برادری گمان آن زیات پڑو کرے۔ وزیراعظم پاکستان بزنس کونسل متحدہ عرب امارات نا ڈل ءِ پاکستان اٹی کاروبار و زرکاری نا ترغیب ءِ ترسا پارے کہ پاکستان اٹی توانائی، ریئل اسٹیٹ، انفارمیشن ٹیکنالوجی، گیگ بدل توانائی، فوڈ پراسیسنگ ، سیل و سوات و ایلو بشخ آتیٹی زرکاری نا پبی وارخواہی ساڑی ءِ و حکومت زرکار و بزنس مین تے غٹ تر آسراتی تننگ کن پبی گام گیج کننگ ءِ۔ وزیراعظم ڈل ءِ پاکستان اٹی زرکاری نا بابت سلاہ اتون پاکستان آ بننگ نا سلہ ہم خلک۔ ڈل حکومتی زرگزرانی پالیسی تیا است جمی نا درشانی ءِ کرسا پاکستان اٹی کاروبار و زرکاری ٹی بھاز است خواہی نا درشانی ءِ کرے۔ اوڑدہی ٹی بنجائی وزیر خزانہ و محصولات اسحاق ڈار، بنجائی وزیر واپار سید نوید قمر، بنجائی وزیر دفاع خواجہ آصف و سرکاری آفیسر آک بشخ ہلکر۔

متعلقہ مضامینمصنف کی طرف سے مزید