اسلام آباد۔12جنوری (اے پی پی): مزن وزیر محمد شہبا زشریف ل ءَ گوشت کہ متحدہ عرب امارات ءِ نیمگ ءَ چہ پاکستان ءَ را 2 ارب ڈالر ءَ چہ گیش وام ءِ ریلیف ءُ گیشیں یک ارب ڈالر ءِ پجاری کنگ ءِ پیسلہ ءَ چہ مارا معاشی سکی آں چہ در کپگ ءَ کمک رسیت۔ پنچ شمبے ءِ روچ ءَ وتی ٹویٹ ءَ مزن وزیر محمد شہباز شریف ءَ گوشت کہ ما متحدہ عرب امارت ءِ صدر شیخ محمد بن زید النہیان ءِ پاکستان ءَ را 2 ارب ڈالر ءَ چہ گیش وام دیگ ءَ ریلیف ءُ گیش یک ارب ڈالر ءِ پجاری کنگ ءِ پیسلہ ءَ را گوں دل ءِ جھلانکاں منت واری ءَ گراں۔ اے کمک مارا معاشی سکی ءَ چہ در کنگ ءَکمک رسیت۔ آئی ءَ گوشت کہ ما وتی اماراتی برات ءُ گہار آنی دود ءُ دراھ ءُ گند ءُ نند ءَ چہ سک باز متاثر بوتگ آں۔
