اسلام آباد۔12جنوری (اے پی پی): وزیر ءِ درئی کار بلاول بھٹو زرداری ءَ گوں برطانوی ہائی کمشنر ڈاکٹر کرسچن ٹرنر ءَ پنچ پنچ شمبے ءِ روچ ءَ وزارت ءِ درئی کار ءَ برو پہ ھیری گند ءُ نند کت۔ درئی کارانی کارگس ءِ رد ءَ گند ءُ نند ءَ پاک برطانیہ یکوئی آں ھوار جتا جتائی شوبگ آنی تہءَ دو نیمگی یکوئی آناں ودینگ ءِ بابت ءَ ھیال ریچی کنگ بوت۔ وزیر ءِ درئی کار ءَ برطانیہ ءِ نیمگ ءَ سیلاپ ءَ چہ آماچیں مردم آنی آسودگی ءِ واستہ 90 لکھ پاونڈ ءِگیش کمک کنگ ءِ جار جنگ ءِپد ءَ شگر ءُ منت واری گپت۔ وزیر ءِ درئی کار ءَ گند ءُ نند ءِ ساھت ءَ برطانوی ہائی کمشنر ءِ نیمگ ءَ چہ پاکستان ءَ موسمتی مٹ ءُ بدل آنی ھوالگ ءَ سرپدی گامگیج آناں ساڑات۔ وزیر ءِ درئی کار بلاول بھٹو زرداری ءَ برطانوئی ہائی کمشنر کرسچن ٹرنر ءِ واستہ نیکیں واھشت آنی ھم درشان کت۔
