اسلام آباد۔12جنوری (اے پی پی): وزیر ءِ درئی کار بلاول بھٹو زرداری ءَ امریکا ءِ نیمگ ءَ جنیوا کانفرنس ءَ سیلاپ ءِ آماچیں مردم آنی آسودگی ءُ نوک سر جوڑیشت ءِ واستہ گیش 100 ملین ڈالر کمک ءِ جار ءَ را ساڑاتگ۔ درئی کارانی کارگس ءِ رد ءَ وزیر ءِ درئی کار اے ھیالانی درشانی امریکی سفیر ڈونلڈ بلوم ءَ گوں تران کنان ءَ کت۔ آئی ءَ پنچ شمبے ءِ روچ ءَ وزارت ءِ درئی کار ءَآئی ءَ گوں گند ءُ نند ء کت۔ گند ءُ نند ءِ ساھت ءَ پاکستانی آنی واستہ ویزہ انٹرویو ئ، ھوالگ ءَ آ سراتی آنی بابت ءَ ھیال ریچی کت۔ بلاول بھٹو زرداری ءَ گوشت کہ ویزہ ءِ آسراتی ءِ ھوالگ ءَ امریکی ویزر ءِ درئی کار ءَ سرجمیں گپ ءُ تران کنگ بوت، اے گامگیج ءَ چہ ناں ایوک ءَ ویزہ گرگ ءِ کار ءَ ترندی بیت بلکینگ ءَ السی رابطہ گیش بنت۔ وزیر ءِ درئی کار بلاول بھٹو زرداری ءَ گوں گند ءُ نند ءَ امریکی سفیر ءَ سیلاپ ءِ آماچین مردم آنی آسودگی ءِ واستہ پاکستانی الس ءِ کمک ءَ را جاڑی دارگ ءِ جزم ءِ درشان کت۔
