ابوظہبی۔12جنوری (اے پی پی): مزن وزیر محمد شہباز شریف ءَ گوشت کہ پاکستان ءَ سرمایہ کاری ءِ دراج بریں موہ است انت، مئے حکومت سرمایہ کار آناں گہتریں آسراتی پجاری کنگ ءِ واستہ ھمک رنگیں گامگیج کنگ ءَ انت۔ اے ھیالانی درشانی آئی ءَ پنچ شمبے ءِ روچ ءَ متحدہ عرب امارات ءِ سرمایہ کار آنی ڈل ءَ گوں گند ءُ نند ءِ ساھت ءَ کت۔ گند ءُ نند ءَ بنجاھی وزیر ھزانگ ءُ ٹیکس گرگ اسحاق ڈار، بنجاھی وزیر دیمپانی خواجہ محمد آصف ، بنجاھی وزیر ہوابازی خواجہ سعد رفیق ، بنجاھی وزیر سرمایہ کاری بورڈ سالک حسین ءُ مزن تکی سرکاری اپسرگ آں بھر زوری کت۔ ڈل ءَ ابوظہبی ڈویلپمنٹ ہولڈنگ کمپنی (اے ڈی کیو) ءِ چیف ایگزیکٹو اپسرگ محمد حسن السویدی ءُ انٹرنیشنل ہولڈنگز کمپنی (آئی ایچ سی) ءِ منیجنگ ڈائریکٹر سید بصر شعیب ءُایندگر ھوار اتنت۔ ڈلءَ گوں تران کنان ءَ مزن وزیر ءَ گوشت کہ پاکستان ءَ سرمایہ کاری ءِ دراج بریں موہ است انت ءُ مئے حکومت سرمایہ کار آناں گہتریں آسراتی پجاری کنگءِ واستہ ھمک رنگیں گامگیج کنگ ءَ انت۔ گند ءُ نند ءِ ساھت ء۔ ڈل ءَ را پاکستان ءَ سرمایہ کاری ءِموہ آنی ھوالگ ءَ سرجمیں بریفنگ دیگ بوت۔ محمد حسن السویدی ءَاے ڈی کیو ءَ را میاں اوستمانی موجود بوھگ ءَ را ودینگ ءُ پاکستان ءَ کاروبار ءُ سرمایہ کاری ءِ ھوالگ ءَ واھشت ءِ درشان کت۔ اے ڈی کیو رودراتکی نیامجی ءِ پڑے درستاں چہ ٹوھتریں ہولڈنگ کمپنی آنی تہءَ یک ات ایشی ءَ چہ پد ابوظہبی ءِ نان آئل معیشت ءِ کلیتی شوبگ آنی سیم سر آنی ھد ءُ ابیل کنوکیں ٹوھیں کاروباری ادارگ آنی پزوریں رپوٹ فولیو انت۔
