اسلام آباد۔10جنوری (اے پی پی):متحدہ عرب امارات ءِ صدر شیخ محمد بن زید النہیان ءِ دعوت ءِ پد ءَ مزن وزیر محمد شہباز شریف 12 ءَ بگر تاں 13 جنوری ءَ تاں عرب امارات یو اے ای ءِ تر ءُ تاب ءَ کنت ۔ درئی کارانی کارگس ءِ ترجمان ءِ نیمگ ءَ سئے شمبے ءَ جاڑی بوتگیں بیان ءِ رد ءَ مزن وزیر ءِ سیٹ ءَ نندگ ءَ پد مزن وزیر محمد شہبازشریف ءِ متحدہ عرب امارات ءِ ایش سیمی تر ءُ تاب انت۔ مزن وزیر ءِ ھمبراہی ءَ کابینہ ءِ ارزشتی ایں باسک آں ھوار مزن تکی ڈل ھم بیت۔ تر ءُ تاب ءِ ساھت ءَ مزن وزیر متحدہ عرب امارات ءِ صدر شیخ محمد بن زید النہیان ءَ گوں گند ءُ نند کنت ایشی ءِ تہءَ دوئیں براتیں ملک آنی نیام ءَ اقتصادی ، تجارتی ءُ سرمایہکاریءِ یکوئی آناں ودینگ ءُ متحدہ عرب امارات ءَ پاکستان لس مردمی ھاٹیگ ءِ واستہ موہ پیداکنگ ءِ ھوالگ ءَ ھاسیں دلگوشی دیگ بیت۔ دوئیں سروک آں وت مہو تی واھگی کار آنی ھوالگ ءَ ھیال ریچی کن انت۔ دوئیں ملک آنی سروک آں یک شلی ءَ مزن تکی روگ ءُ آیگ ءُ تر ءُ تاب وت مہ وتی یکوئی ءِ ھاسیں ھاسیت انت۔
