وزیراعظم شہباز شریف نا متحدہ عرب امارات نا صدر تون اوڑدہی، یواے ای نا صدر اِرا بلین امریکی ڈالر نا ساڑی آ وام تے رول اوور کننگ و اسہ بلین ڈالر ودکی وام تننگ آ امنا کرے، بنجائی وزیر حوالکاری مریم اورنگزیب نا ٹویٹ

اسلام آباد۔ 12 جنوری (اے پی پی) بنجائی وزیر حوالکاری و شینکاری مریم اورنگزیب پارینے کہ وزیراعظم شہباز شریف نا متحدہ عرب امارات نا صدر شیخ محمد بن زاید النہیان تون اوڑدہی مس۔ متحدہ عرب امارات نا صدر اِرابلین امریکی ڈالر نا ساڑی آ وام تے رول اوور کننگ و اسہ بلین امریکی ڈالر ودکی وام تننگ آ امنا کرے۔ پنچ شنبےنادے آ تینا ٹویٹ اٹی بنجائی وزیر حوالکاری پارے کہ ہڑتوم آ راہشونک ہڑتوم آ کنڈآتا تعلقداری تیٹی پدریسہ پیش رفت آ است جمی نا درشانی ءِ کرسا تعلقداری تے پین سوگو کننگ کن ہر کہول آ ہڑتوم آ کنڈآتا ہن و بر و باقاعدہ گپ وتران نا اہمیت آامنا کریر۔ بنجائی وزیر حوالکاری پارے کہ وزیراعظم شہباز شریف یواے ای نا صدر شیخ محمد بن زاہد ءِ پاکستان نا سرکاری دورہ نا سلہ ہم خلک ہراڑا او رضامندی ظاہر کرے۔ دورہ نا تاریخ نا فیصلہ ءِ سفارتی ذریعہ اٹ کننگک۔