ابوظہبی۔ 12 جنوری (اے پی پی) وزیراعظم محمد شہباز شریف متحدہ عرب امارات نا اِرادے ئی دورہ غا ابو ظہبی آ سرمسنے۔ پنچ شنبےنادے آ وزیرا عظم آفس نا میڈیا ونگ آن جاری بیان نا رداٹ ابوظہبی نا بالی پٹ آ متحدہ عرب امارات نا وزیر اقتصادی امور عبداللہ طوق المری و پاکستانی سفارت خانہ نا آفیسر آک وزیراعظم محمد شہباز شریف ءِ بخیرکریر۔ وزیراعظم متحدہ عرب امارات نا صدر شیخ محمد بن زید النہیان تون اوڑدہی کیک ہراٹی ہڑتوم آ ایلم اسلامی ملک آتا  نیام اٹ اقتصادی، واپاری و زرکاری نا بشخ آتیٹی کمکاری ءِ مون آ دننگ و یواے ای ٹی پاکستانی افرادی قوت کن وارخواہی ودی کننگ نا بابت امور تیا شرہ مریک۔ ہڑتوم آ راہشونک تین پہ تینی است خواہی نا چندی علاقائی و جہانی امور تیا ہم گپ وتران کیرہ۔ وزیراعظم محمد شہباز شریف متحدہ عرب امارات نا وزیراعظم و نائب صدر و دبئی نا حکمران شیخ محمد بن راشد المکتوم تون ہم اوڑدہی کیک۔ داوخت آ وزیراعظم واپار و زرکاری ءِ ودفنگ کن اماراتی پوریاگر و زرکارآتون ہم اوڑدہی کیک۔

متعلقہ مضامینمصنف کی طرف سے مزید