اسلام آباد۔ 12 جنوری (اے پی پی) وزیراعظم محمد شہباز شریف متحدہ عرب امارات نا صدر شیخ محمد بن زید النہیان ناسلہ غا (اینو) پنچ شنبے نادے آ بڑزکو کہولی ڈل اتون اوار اِرادے ئی سرکاری دورہ غا متحدہ عرب امارات آ کاہک۔ وزیراعظم آفس نا میڈیا ونگ انا کنڈآن جاری کروک بیان نا رداٹ وزیراعظم متحدہ عرب امارات نا صدر شیخ محمد بن زید النہیان تون اوڑدہی کیک ہراٹی …
وزیراعظم شہباز شریف ڈل اتون اوار اِرادے ئی سرکاری دورہ غا متحدہ عرب امارات آ روانہ مریک
گیشتریں ھال
اسلام آباد۔ 12 جنوری (اے پی پی) وزیراعظم محمد شہباز شریف متحدہ عرب امارات نا صدر شیخ محمد بن زید النہیان ناسلہ غا (اینو) پنچ شنبے نادے آ بڑزکو کہولی ڈل اتون اوار اِرادے ئی سرکاری دورہ غا متحدہ عرب امارات آ کاہک۔ وزیراعظم آفس نا میڈیا ونگ انا کنڈآن جاری کروک بیان نا رداٹ وزیراعظم متحدہ عرب امارات نا صدر شیخ محمد بن زید النہیان تون اوڑدہی کیک ہراٹی ہڑتوم آ ایلم اسلامی ملک آتا نیام اٹ اقتصادی، واپاری و زرکاری نا بشخ آتیٹی کمکاری ءِ مون آ دننگ و یواے ای ٹی پاکستانی افرادی قوت کن وارخواہی ودی کننگ نا بابت امور آ شرہ مریک۔ ہڑتوم آ راہشونک تین پہ تینی است خواہی نا چندی علاقائی و جہانی امور تیا ہم گپ وتران کیرہ۔ وزیراعظم متحدہ عرب امارات نا وزیراعظم و نائب صدر و دبئی نا حکمران شیخ محمد بن راشد المکتوم تون ہم اوڑدہی کیک۔ داوخت آ وزیراعظم، واپار و زرکاری ءِ ودفنگ کن اماراتی پوریاگر و زرکارآتون ہم اوڑدہی کیک۔
