اسلام آباد۔11جنوری (اے پی پی): بنجاھی وزیر اھوالکاریءُ شنگ کاری مریم اورنگزیب ءَ نامداریں کامیڈین ماجد جہانگیر ءِ بیرانی ءِ پد ءَ ڈکھ ءُ اندوھ ءِ درشان ءَ کنان ءَ گوشت کہ ماجد جہانگیر ءَ اسماعیل تارا ءِ گوما کسمانک ففٹی ففٹی ءَ وتی ازمکاری پیشداتگ، آئی ءِ بیرانی ءَ چہ کسمانک انڈسٹری ءَ پیداک بوھوکیں تاوان اچبر پیلو بوت نہ کناں۔ چار شمبے ءَ وتی دلپدردی کلوہ ءَ بنجاھی وزیر اھوالکاری ءَ گوشت کہ شوبز انڈسٹری ءِ واستہ ماجد جہانگیر ءِ ازمت مدام نمیران انت۔ آئی ءَ دعا ءِ نیک کت کہ ھدا وند ماجد جہانگیر ءَ را وتی باگ ءُبھشت آنی تہءَ جاہ ءُ پشمندگیں مردم آناں سگ ءُ اوپار کشی ءِ زکت ءَ بدیات۔ (آمین)
