لاہور۔ 11 جنوری (اے پی پی) وزیراعظم نا خصوصی کمکار عطاتارڑ پارینے کہ پرویز الٰہی ءِ مونس الٰہی آنبار نرنگ کن الیپنہ، اودے 186 وونٹ ہلوئی مریک۔ چارشنبےنادے آ ہائیکورٹ آن پیشن میڈیا تون گپ و تران کرسا اوپارے کہ وزیراعلیٰ چوہدری پرویز الٰہی پت انا وونٹ آن نئے نرنگ کیک نئے ڈکھنگ مریک، اودے پت انا وونٹ ہلوئی تمک۔ اوپارے کہ پرویز الٰہی تینا ماراتون پیشن ہِننگ خواہک۔ نی وونٹ ہل یا اُراغا ہن، مسٹ میکو آپشن اف۔ عطاتارڑ پارے کہ چوہدری پرویز الٰہی وزیراعلیٰ ءِ ، اوپیشن ہِننگ آن پاناد کے۔ اوپارے کہ وزیراعلیٰ تون 24 گھنٹہ 186 باسک آتا سپورٹ مرے۔ اونا مستی پاننگ ئس کہ پنجاب اٹی نُت انا تنکی ءِ اودے ہچ ءُ پرواہ اس اف، سادہ گیشتری والا وزیراعلیٰ گچین مریک ، تاخیر مننگ کیک ولے بے سہبی پرویز الٰہی نا مقدر ءِ۔ عطاتارڑ مستی پارے کہ دا جوان لگپک کہ وزیراعلیٰ نا پن نہہ فلائی فہرست اٹ برے۔
