اسلام آباد۔ 11 جنوری (اے پی پی) نیپرا کے الیکٹرک نا نومبر نا ماہانہ فیول چارجز ایڈجسٹمنٹ نا مد اٹی 7 روپئی 43 پیسہ فی یونٹ کمتی نا منظوری نا نوٹیفکیشن ءِ جاری کرے۔ جاری اعلامیہ نا رداٹ کے الیکٹرک 7 روپئی 4 پیسہ فی یونٹ کمتی نا درخواست کریسس۔ اتھارٹی 27 دسمبر 2022 آ ایف سی اے آ السی سماعت کریسس۔ داکان مست اکتوبر نا ایف سی اے صارف آتیان 2 روپئی 45 پیسہ فی یونٹ کمتی اتون چارج کننگاسس۔ نومبر نا ایف سی اے اکتوبر نا نسبت صارف آتیان 4 روپئی 98 پیسہ پین کم چارج کننگک، دانا اطلاق بیرہ 1 تُو اکن مریک۔ اعلامیہ نا رداٹ لائف لائن صارف، 300 یونٹ اسکان اُرائی صارف، کشاری صارف و الیکٹرک وہیکل چارجنگ اسٹیشن تیا دانا اطلاق مفک۔
