اسلام آباد۔ 11 جنوری (اے پی پی) اسپیکر قومی اسمبلی راجہ پرویز اشرف و قائم مقام اسپیکر زاہد اکرم درانی ئسک پنی آ سینئر اداکار و کامیڈین ماجد جہانگیر نا کزیت آ ڈکھیائی و است ہسونی نا درشانی ءِ کرینو۔ چارشنبے نادے آ تینا ہڑزخواہی کلہو اٹی اوفک ماجد جہانگیر نا پاکستان شوبز انڈسٹری کن خذمت آتے خراج تحسین پیش کرسا پاریر کہ ماجد جہانگیر سال آتیان تینا اداکاری ناجوہر ءِ نشان ترسا مخلوق نا مون آ بشخندہ تالان کرسا کرے۔ اونا کزیت شوبز انڈسٹری کن بھلو نسخان اسے ۔ اونا اداکاری و کامیڈی نا یات آک مدام ننا است آتیٹی زندہ سلرہ۔ اسپیکر و قائم مقام اسپیکر ایماندار نا درجہ غاتا بڑزی و پدسلوک آتے دا بے بدل صدمہ ءِ سگنگ نا حوصلہ عطاکننگ نا دعاہم کریر۔
