عمران خان نا پاکستان، اوغانستان خارجی امور و دہشت گردی نا بابت بیان مذمت نا قابل ءِ، شیری رحمان

اسلام آباد۔ 11 جنوری (اے پی پی) بنجائی وزیر چاگڑدی بدلی سینیٹر شیری رحمان پارینے کہ عمران خان نا پاکستان، اوغانستان خارجی امور و دہشت گردی نا بابت بیان مذمت نا قابل ءِ ، بطور مسکوہی وزیراعظم عمران خان پاکستان نا آخا بلکن پین اسٹ نا ترجمانی ءِ کننگ اٹی ءِ۔ چارشنبےنادے آ تینا ٹویٹ آتیٹی او پارے کہ عمران خان ءِ ڈیہہ نا سیکورٹی باندات و تاریخ نا ہموخس سمجھ ءِ اخس کہ اودے جرمنی و جاپان نا جغرافیہ نا ءِ، ہرا بندغ نا دور ءِ حکومت اٹ پاکستان خارجہ تنیائی نا گواچی مس او اینو وزیرخارجہ بلاول بھٹو زرداری ءِ خارجہ امور آ مشورہ تننگ اٹی ءِ۔ اوپارے کہ وزیر خارجہ بلاول بھٹو نا 8 تُو انا سفارتی سرسہبی تا عمران خان نا چار سال انا سفارتی تنیائی تون ہچ ءُ موازنہ اس اف۔ دا ملک ءِ سفارتی مین اٹ بٹسا ہناسس۔ بنجائی وزیر پارے کہ عمران خان پاکستان نا نرزور پولیس نا ہم است آزاری ءِ کرینے، ننا پولیس و ایلو کانود نافذ کروک آ ادارہ غاک دہشت گردی نا برخلاف صف اول اٹ سلوک ءُ۔ اوپارے کہ پولیس ننا دفاع نا اولیکو لین ءِ۔ افسوز دادے کہ عمرا