جنیوا ۔10جنوری (اے پی پی): مزن وزیر محمد شہباز شریف ءَ گوشت کہ ریزیلیئنٹ پاکستان میاں اوستمانی کانفرنس ءِ کامیاتی ءِ پد ءَ ٹیمب پاکستان ءَ را مبارک بات پیش کناں، دگنیا ءِ نیمگ ءَ چہ 9 ارب ڈالر ءِ جار تاریخی کامیاتی ات ایش شمے ایمانداری ءُ ساپ دلی ءَ چہ وتی سیم سر آنی در جنگ ءِ نتیجگ انت۔ اے روچ پاکستان ءِ حکومت ءُ 22 کروڑ الس آنی واستہ تاریخی ارزشت ءِ بستار ءَانت، جنیوا کانفرنس ءَ میاں اوستمانی برات آں پاکستان ءِ گوما گیشاں چہ گیش یکوئی ءِ درشا کتگ۔ جنیوا کانفرنس ءَ شریکیں ڈل ءِ توامیں باسک ءُ سفارتی مشن ءِ سبب ءَ چہ دگنیا مئے گوما ھمگام ءَ اوشتاتگ۔ اے جار ءُ کول ءُکرار آناں پکوئی رنگ دیگ ارزشتی انت۔ ایشیءِ واستہ تکنیکی کمیک ءُ تومیں آسراتی آناں کارمرز کنگ بنت، ھمے جوزگ ءَ چہ پاکستان َ را سکی آں چہ در کناں۔ سئے شمبے ءَ مزن وزیر محمد شہبا ز شریف ءَ جنیوا ءَ پاکستانی ڈل ءِ باسک ءُ اپسرگ آں تران کنان ءَ کت۔ آئی ءَ گوشت کہ وزیر ءِ درئی کار بلاول بھٹو زرداری ءُ آئی ءِ ٹیمب ءَ گیشاں چہ گیش زمہ واری پیلو کت، وزارت ءِ درئی کار ءَ دگنیا ءَ را سیلاپ ءِ آماچیں مردم آنی نیمگ ءَ دلگوش ءَ ارزشتی ایں کرد پیلو کت۔
