جنیوا۔9جنوری (اے پی پی): مزن وزیر محمد شہباز شریف ءَ گوشت کہ سندھ ءُ بلوچستان ءِ جتا جتائیں دمگ آنی تہ ءَ انوگ ءَ ھم ھور ءُ سیلاپ ءِ آپ جم انت ءُ سرتی ءِ موسم ءَ سیلاپ ءِ آماچیں مردم آنی سکی ءِ تہءَ گیشی آرگ ءِ سبب انت۔ سولر ھاٹیگ ءِ 10 ہزار میگاواٹ ءِ منصوبگ ءَ چہ ناں ایوک ءَ ایندھن ءُ درآمدی بل کم بیت بلکینگ ءَ کمو ھرچ ءُ درچی ءُماحول دوستیں ھاٹیگ پیداک بیت، پاکستان امریکہ یکوئی ءِ نوکیں دور ءُ باریگ آنی بنگیج بوتگ ایش وت مہ وتی شرپ ءُ مھکمیں دیمروئی ءِ رد ءَ انت۔ اے ھیالانی درشانی آئی ءَ دوشمبے ءَ جنیوا ءَ میاں اوستمانی دیمروئی ءِ امریکی ادارگ یو ایس ایڈ ءِ ڈپٹی ایڈمنسٹریٹر ازابیل کول مین ءَ گوں گند ءُ نند ءِ ساھت ءَ کت۔ گند ءُ نند ءَ مزن وزیر ءَ امریکی حکومت، یو ایس ایڈ ءُ امریکی الس ءِ سیلاپ ءِ آماچیں مردم آنی کمک کنگ ءِ پد ءَ شگر ءُمنت واری گپت۔ مزن وزیر ءَ گند ءُ نند ءَ شریکیں مردم آناں گوشت کہ سندھ ءُ بلوچستان ءِ جتا جتائیں دمگ آنی تہءَ انوگ ءَ ھم ھور ءُ ھار ءِ آپ جم انت ءُ سرتی ءِ موسم ءَ سیلاپ ءِ آماچیں مردم آنی سکی آنی تہءَ گیشی ءِ سبب انت۔ مزن وزیر ءَ حکومت ءِ سیلاپ ءِ آماچیں مردم آنی برجائی ءِ واستہ گامگیج آنی ھوالگ ءَ سرجمیں چمشانک دات۔ اے ھیالانی درشانی آئی ءَ دو شمبے ءَ جنیوا ءَ میاں اوستمانی دیمروئی امریکی ادارگ یو ایس ایڈ ءِ ڈپیٹی ایڈمنسٹریٹر ازابیل کول مین ءَ گوں گند ءُ نند ءِ ساھت ءَ کت۔
