اسلام آباد۔9جنوری (اے پی پی): مزن وزیر محمد شہباز شریف ءَ گوں جنیوا ءَ چیئرمین چائنہ انٹر نیشنل ڈویلپمنٹ کوآپریشن لوزوہوئی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ مزن وزیر ءَ حکومت چین ءُ چینی الس ءِ پاکستانی سیلاپ ء چہ آماچیں مردم آنی کمک ءِ پد ءَ شگر ءُمنت واری گپت۔ مزن وزیر ءَ گوشت کہ چین پاکستان ءِ کوھنیں دوست انت ءُ چین ءَ پاکستان ءِ ھمک سکیں ساھت ءَ کمک ایشانی دوستی ءَ سہرائیں درور انت۔ چین ءَ استیں دور ءَ کشت ءُ کشار، انفراسٹرکچر ، ھاٹیگ ءُ ایندگر شوبگ انی تہءَ پاستان ل ءِ کمک کتگ ءُسی پیک ءَ چین پاکستان کمک ءُ دوستی ءِ نوکیں برز ءُبلندی آں تاں پجارینتگ۔ مزن وزیر ءَ گوشتگ کہ استیں سیلاپ ءَ چہ ناں ایوک ءَ چینی حکومت، بلکینگ ءَ چینی کمپنی ءُ چینی الس آں پاکستان ءِ سیلاپ ءَ چہ آماچیں مردم آنی درد ءَ را سما کتگ ایشاناں اچبر بے ھیال کنگ بوت نہ کنت۔ مزن وزیر ءَ گوشت کہ صدر شرپ مند شی جنپنگ ءَ را پاکستان ءَ ایگ ءِ دعوت دات ءُ گوشت کہ پاکستانی حکومت ءُ الس چینی صدر ءِ پاکستان ءَ آیگ ءِ وداریگ اَنت۔
