وزیراعظم شہباز شریف و سعودی ولی عہد نا گپ وتران رنگ اس ایس، سعودی ولی عہد پاکستان اٹی زرکاری ءِ 10 ارب دالر ودفنگ نا پارت کرے

اسلام آباد۔ 10 جنوری (اے پی پی) وزیراعظم شہباز شریف و سعودی ولی عہد شہزادہ محمد بن سلمان نا گپ وتران رنگ اس ایس۔ جنیوا غان پد سعودی عرب آن ہم پاکستان کن اسہ پین بھلو خوشخبری اسے۔ وزیراعظم شہباز شریف و ولی عہد شہزادہ محمد بن سلمان پاکستان اٹی زرکاری ءِ 10 ارب ڈالر ودفنگ نا پارت کریر۔ سعودی سرکاری پڑو نا رداٹ سعودی ولی عہد نا دا گام وزیراعظم شہباز شریف تون گپ وتران نا فریم ورک انا رداٹ مس۔ پاکستان اٹی 10 ارب ڈالر زرکاری نا پڑو 25 اگست 2022 آ مسوسس۔ سعودی سرکاری پڑو نا رداٹ سعودی ولی عہد اسٹیٹ بینک آف پاکستان اٹی 5 ارب ڈالر نا زر ءِ ودفنگ نا جاچ ءِ ہلنگ نا ہم پارت کرے۔ اسٹیٹ بینک آف پاکستان اٹی 5 ارب ڈالر ڈیپازٹ اٹی ودکی نا پڑو 2 دسمبر 2022 آ مسوسس۔ دا گام گیج آتے سعودی عرب نا کنڈآن برادر ملک پاکستان نا زرگزران و اونا الس نا مخ تفی ٹی کننگانے۔