ریزیلیئنٹ کانفرنس اٹی وسط و مریس مدتی ریکوری، بحالی و پوسکن تفنگ نا گرج آتا خاکہ اس پیش کرین، آفت آتا تہاری تے وارخواہی تا روشنائی ٹی بدل کروئی مریک، وزیراعظم نا ٹویٹ

اسلام آباد۔ 10 جنوری (اے پی پی) وزیراعظم محمد شہباز شریف پارینے کہ ریزیلیئنٹ کانفرنس آن تینا تران اٹی، ای وسط و مریس مدتی ریکوری، بحالی و پوسکن تفنگ نا گرج آتا خاکہ اس پیش کریٹ، موسمیاتی تنکی ہزاریہ شونداری ہدف آتا دوئی کننگ کن اقوام نا لائخی تے بھاز خطرہ غاتا گواچی کرینے۔ سے شنبےنادے آتینا ٹویٹ اٹی اوپارے کہ کانفرنس آن تینا تران اٹی دنیا ءِ پاریٹ کہ ہراوڑاٹ نوکاپ نا بھسکاریک ننا جان جوڑی و بنداوی پنجر ءِ نسخان تسنو وخت اس کہ تینا تران اٹی دنیا ءِ خور انا بے رکھی نا بارواٹی ہم ای معلومدار کریٹ۔ اوپارے کہ موسمیاتی تنکی ہزاریہ شونداری ہدف آتا دوئی کننگ کن اقوام نا لائخی تے بھاز خطرہ غاتا گواچی کرینے۔ معمول نا رداٹ زند آ ہِننگ نا سوج ہی ودی مفک۔ وزیراعظم پارے کہ اومیت ءِ کہ پائیدار آخبت نا کنڈا منتقلی کن دنیا ءِ وژن و یکجہتی ءِ کاریم اٹ اتنگ نا گرج ءِ۔ آفت آتا تہاری تے وارخواہی تا روشنائی تے اٹ بدل کروئی مریک۔