ریزیلیئنٹ پاکستان کانفرنس ءِ سرسہب کننگ آ سربراہان مملکت و حکومت ، یورپی یونین، شونداری نا شریدار و اقوام متحدہ نا منت واراُن، وزیراعظم شہباز شریف

اسلام آباد۔ 10 جنوری (اے پی پی) وزیراعظم محمد شہباز شریف سربراہان مملکت و حکومت، یورپی یونین، شونداری نا شریدار و اقوام متحدہ نا ریزیلیئنٹ پاکستان کانفرنس ءِ سرسہب کننگ آ منت واری ءِ ہرفینے۔ سے شنبے نادے آ تینا ٹویٹ اٹی اوپارے کہ اقوام متحدہ نا سیکرٹری جنرل غٹ انا نیام اٹ تینا شاندار سرکڑدہ ئی نا درشانی ءِ کرینے۔ پاکستان نا الس مدام منت وار مریک۔ اوپارے کہ دنیا تدوک آ دے خنان کہ انسانیت ءِ المیہ غان کشنگ کن ہراوڑ اقوام یکجہتی نا درشانی کن یکجا مرسا ون ون شریداری نا نمونہ پیش کننگ کیک، ای جنیوا ٹی ہمدردی نا درشانی ءِ خنسا بھاز متاثر مسونٹ۔ اوپارے کہ اواری اٹ نن زند و اومیت آتے پوسکن تفنہ۔