اسلام آباد۔ 10 جنوری (اے پی پی) چیئرمین سینیٹ محمد صادق سنجرانی و اونا ڈل انا عراق آ سرمننگ آ عراقی خارجہ تعلقات کمیٹی نا سینئر چیئرمین عامر الفائزاوفتے بالی پٹ آ بخیر کرے۔ سینیٹ سیکرٹریٹ نا رداٹ داوخت آ اوڑدہی ٹی ہڑتوم آ سنگت ملک آتا نیام اٹ تعلقداری تے مون آ دننگ نا اہمیت آ زور شاغنگا۔ چیئرمین سینیٹ و ڈل جم و جوش اٹ بخیر کننگ آ خوشی نا درشانی ءِ کرسا عراق اٹی تعمیرنو و شونداری نا پوسکن آ دور انا بناآ مبارکبادی پیش کریر۔ چیئرمین سینیٹ محمد صادق سنجرانی عراقی پارلیمان نا اسپیکر ءِ سینیٹ آف پاکستان نا گولڈن جوبلی دود آتیٹی بشخ ہلنگ نا سلہ ہم خلک۔ چیئرمین سینیٹ صادق سنجرانی ڈل اتون اوار بغداد اٹی الشیخ عبدالقادر جیلانی رحمتہ اللہ علیہ نا مزار اقتدار آ حاضری تس۔ چیئرمین سینیٹ ءِ دربار نا چندی بشخ آتا زیارت ءِ کرفنگا و تبرکات پیش کرے۔ چیئرمین سینیٹ صادق سنجرانی ملک و قوم انا سلامتی و امن و سوگوی کن دعا کرے۔ چیئرمین سینیٹ صادق سنجرانی عراق نا چار دے ئی دورہ غاٹی ءِ ہراڑے عراق اٹی بڑزکو کمامدارآتون اوڑدہی ہم کیک۔
