اسلام آباد۔ 10 جنوری (اے پی پی_) بنجائی وزیر چاگڑدی بدلی سینیٹر شیری رحمان پارینے کہ حکومت پاکستان و اقوام متحدہ نا کنڈآن جنیوا ٹی ریزیلیئنٹ پاکستان جہانی کانفرنس اٹی جہانی شریدار آک پبی کمک نا درشانی ءِ کرینو ، دا مچ آ عمل اٹی اقوام متحدہ نا سیکرٹری جنرل انتونیوگوتریس نا پدریسہ کوشست ستاکڑزک، نوکاپ آن پد او جہانی کہول آ پاکستان اٹی نزور و زہمی مخلوق نا توار مرسا مون آ بس۔ سے شنبےنادے آ تینا ٹویٹ آتیٹی بنجائی وزیر پارے کہ نوکاپ آن پد پاکستان نا ریزیلیئنٹ ریکوری، بحالی و پوسکن تفنگ فریم ورک نا تعمیل اٹی جہانی ادارہ و ملک آتا کنڈآن 10 ارب ڈالر آن زیات امداد نا پڑو سفت نا قابل ءِ، دا زر نوکاپ زہمی تا پورو بحالی و پوسکن تفنگ کن کاریم اٹ اتنگک۔ اوپارے کہ جہانی دنیا پاکستان اٹی نوکاپ و چاگڑدی بدلی تا بھسکاری تا اعتراف ءِ کرینے،پاکستان ءِ نوکاپ زہمی تا بحالی و بنداوی پنجر نا پوسکن تفنگ کن وسیلہ درکار ئسک، دا پاکستان نا اسہ بھاز بھلو سرسہبی اسے۔ بنجائی وزیر پارے کہ دا مچ آ عمل اٹی اقوام متحدہ نا سیکرٹری جنرل انتونیوگوتریس نا پدریسہ کوشست ستاکڑزک، نوکاپ آن پد او جہانی کہول آ پاکستان اٹی نزور و زہمی مخلوق نا توار مرسا مون آ بس۔ شیری رحمان پارے کہ حکومت پاکستان نا اولیت نوکاپ زہمی تے اوفتا اُرا و زند ءِ پدی تننگ ءِ، نن دا بابت پدریسہ جہد کننگ اُن و دامشن اٹی پورو سرسہبی اسکان آسرات تولپنہ۔ اوپارے کہ ملک اٹی اسہ جماعت اس پدریسہ بے چیٹی و غیر یقینی نا حالیت ودی کننگ اٹ لگوک ءِ، جہانی دنیا خننگ ءِ کہ ننا و او جماعت نا اولیت آتیٹی اخس پرخ ءِ۔
