لاہور۔ 10 جنوری (اے پی پی) بنجائی وزیر داخلہ رانا ثناء اللہ پارینے کہ مچ آ دنیا پاکستان و سیوتی حکومت تون سلوک ءِ، پاکستان ہر ادنیا تون اومیت آک ئسر جنیوا کانفرنس اٹی اوکان زیات ننے ملانے، کانفرنس اٹی مچ آ دنیا نوکاپ زہمی تا امداد کن جنیوا ٹی پاکستان تون سلوک نظر بس، چوہدری پرویز الٰہی ءِ ہر حال اٹ پت اناوونٹ ہلوئی مریک، عمران ٹولی زوت تینا ایسر آ سرمریک۔ داخیا ل آتا درشانی ءِ او سے شنبےنادے آ پنجاب اسمبلی نا پیشن میڈیا تون گپ وتران کرسا کرے۔ وزیرداخلہ پارے کہ جنیواکانفرنس اٹی داتم اسکان امداد 11 ارب ڈالر ءِ داٹی پین ودکی مریک، عمرانی ٹولی تدوک آ 4 سال اٹی ملکی زرگزران ءِ بھس کرے، عمرانی ٹولی نا دروشم بھاز زوت بے نقاب مننگ والا ءِ، مچ آ دنیا وزیراعظم محمد شہباز شریف نا کال آ درو جنیوا ٹی یکجا مس، پنجاب ءِ تدوک آ 3 تُو اٹی بھاز بے وڑ پُلنگا۔ وزیرداخلہ رانا ثناء اللہ پارے کہ مچ آ دنیا پاکستان و اونا سیوتی حکومت تون سلوک ءِ، پاکستان ہرادنیا غان ہرااومیت آتے کریسس جنیوا ٹی نئے بیرہ او پورو مسنو بلکن اوکان زیات نوکاپ زہمی تا امداد کن مچ آ دنیا درو جنیوا ٹی پاکستان تون سلوک نظر بس، اومیت آتیان زیات اقوام عالم پاکستان نا کمک نا قول کرے ، جنیوا کانفرنس اٹی کمکاری نا قول پاکستان آ جہانی برادری نا پت انا ڈیک ءِ۔ اوپارے کہ دا امداد ہموفتا بوز آ چپانٹ اسے ہرافک تدوک آ کیہی تُو آن مہم اس چلیفینو کہ پاکستان ڈیفالٹ مننگ والا ءِ۔ اومستی پارے کہ دا 11 ارب ڈالر نا زر پاکستان ءِ وام آخا بلکن امداد نا مد اٹی ملک، پاکستان ءِ امداد ملنگ نا گمان 8 ارب ڈالر نا ئسک وخت اس کہ ننے اومیت آن زیات ملانے و دا امداد اٹی پین ودکی مریک۔
