نیشنل ہائی وے سیفٹی آرڈیننس 2000نا دفعہ 43، شیڈول 6 ءِ نافذ کننگا، آئی جی موٹرویز پولیس

اسلام آباد۔ 10 جنوری (اے پی پی) انسپکٹر جنرل موٹرویز پولیس خالد محمود پارینے کہ نیشنل ہائی ویز سیفٹی آرڈیننس 2000 نا دفعہ 43، شیڈول 6 ءِ نافذ کننگانے ہرانا رداٹ خلاف ورزی کننگ آ دفعہ 145 نا رداٹ اسہ تُو اس بندی نا سزا مریک۔ سے شنبےنادے آ ترجمان نیشنل ہائی ویز اینڈ موٹرویز پولیس نا رداٹ آئی جی خالد محمود پارینے کہ نیشنل ہائی ویز سیفٹی آرڈیننس 2000 نا دفعہ 43 ، شیڈول 6 ءِ نافذ کننگانے، شیڈول 6اٹی درج حدوزن نا خلاف ورزی آ اوورلوڈ گاڈی تا برخلاف ایکشن ہلنگک، اوورلوڈنگ کننگ آ اسہ تُو اس بندی، 1000 آن 5000 جرمانہ مریک۔ اوپارے کہ خلاف ورزی کننگ آ آرڈیننس 2000 نا دفعہ 75 نا رداٹ اسہ تُو اسکان بندی نا سزا مریک، اوورلوڈ گاڈی تا برخلاف کریک ڈائون نا بناءِ کننگانے۔ اوٹرانسپورٹر ، مل مالک آتے پارت کرینے کہ مال بردار گاڈی تیا حدوزن آن زیات شاغپس، قومی شاہراہ تیا رکھ سفر ءِ پک کننگ کن موٹروے پولیس تون کمک کیر۔