جنیوا۔9جنوری (اے پی پی): مزن وزیر محمد شہباز شریف ءَ گوں جنیوا ءَ برطانیہ ءِ وزیر ءِ مملکت برائے ڈویلپمنٹ اینڈ ورمچل ءَ گند ءُ نند کتگ ءُ پاکستان ءَ سیلاپ ءِ آماچیں مردم آنی برجائی ءُ آسودگی ءِ واستہ برطانیہ ءِ نیمگ ءَ چہ ھمک رنگیں کمک ءِ دل یکیمی کت۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءَ مزن وزیر ءَ حکومت ءِ برطانیہ ءِ ٹیکس دیوک پاکستان ءِ سیلاپءِ آماچیں مردم آنی کمک ءِ پد ءَ شگر ءُمنت وار ی ءَ گراں۔ مزوزیر ءَ گوشت کہ استیں سیلاپ ءَ چہ پاکستان ءَ بے کساس ھور ءُ ھار ءَ چہ ڈکال بوتگ ایشی ءَ چہ کشت ءُ کشار، مردم آناں روزگار ءُ معیشت ءَ را سک باز تاوان پج اتگ۔ آئی ءَ گوشت کہ پاکستان ءُ ایشی ءِ الس برطانیہ وڑیں دوستیں ملک آنی شگر ءُ منت وار انت۔ مزن وزیر ءَ حکومت ءِ پاکستان ءِ سیلاپ ءَ چہ آماچیں مردم واستہ چست کتگیں گامگیج آنی بابت ءَ چمشانک دات۔ مزن وزیر َ ڈفیڈ ءِ نیمگ ءَ چہ پاکستان ءِ جان سلامتی ءُ وانگ ءُ زانگ ءِ شونگ ءَ کمک آناں ساڑات۔ اینڈ رومچل ءَ مزن وزیر ءَ را پاکستان ءِ سیلاپ ءَ چہ آماچیں مردم آنی برجائی ءَ برطانیہ ءِ نیمگ ءَ چہ سرجمیں کمک ءِ دل یکیمی دات۔
