جنیوا۔9جنوری (اے پی پی): مزن وزیر محمد شہباز شریف ءَ گوں جنیوا ءَ ازبکستان ءِ وزیر ءِ درئی کار بختیار سیدوف ءِ گوما گند ءُ نند کت۔ مزن وزیر کارگس ءِ میڈیا ونگ ءِ نیمگءَ جاڑی بوتگیں بیان ءِ رد ءَ گند ُ نند ءَ پاکستان ازبکستان ءِ نیام ءَ تجارت ءِ کساس ءَ را ودینگ ، دوئیں ملک آنی نیمگ ءَ تجارتی کشک ءِ ھوالگ ءَ کار ءُ گامگیج آناں ترند کنگ ءُ پڑ ءَ مھکمیں دیمروئی ءِ واستہ وت مہ وتی آناں دیمروئی ءِ بابت ءَ ھیال ریچی کنگ بوت۔ مزن وزیر ءَ صدر ازبکستان شوکت مرزایوف ءِ واستہ نیکیں واھشت آنی درشا کت ءُ ایشاناں زوت پاکستان ءَ آیگ ءِ دعوت دات۔ مزن وزیر ءَ ازبکستان ءِ پاکستان ءِ سیلاپ ءِ ساھت ءَ کمک کنگ ءِپد ءَ مرزا ایوف ءِ شگر ءُ منت واری گپت۔ وزیر ءِ درئی کار بختیار سیدوف ءَ مزن وزیر ءِ شگر ءُ منت واری گپت ءُ ازبکستان ءِ پاکستان ءَ سیلاپ ءِ آماچیں مردم آنی برجائی ءُ آسودگی ءَ ھمک رنگیں کمک پجاری ءِ دل یکیمی دات۔
