جنیوا ۔9جنوری (اے پی پی): منصوبہ بندی ءُ دیمروئی ءُ حاسیں گامگیج بنجاہی وزیر پروفیسر احسن اقبال ءَگشتگ کہ پاکستان ءَ را ملک ء بازیں دمگاں ترندیں ہورءُ ہاراں چہ بازیں نقصان بوتگ ء ُ ملک ءَ ہارءِ آماچیں مردمانی بحالیءِ سرءَ آیوکیں حرچہ اے سال جون ءَ 3 ارب ڈالرءَچہ گیش بوت کناں۔ دوشمبے ءِ روچءَ جینوا ءَ حکومت پاکستان ء ُ اقوام متحدہءِیکجاہی مہمان جہلی ءَ موسمیاتی مٹءُ بدلی ءِ سرحال ءِ سرءَ میاں اوستمانی کانفرنس ءَ گوں تران کتگء ُ بنجاہی وزیرءَ گشتگ کہ پاکستان ءَ بنکی ڈھانہ ء ُ کشارانی نقصان ءِ سوبءَ معاشی نقصان ءِ دیمپانی کنگ بوتگ کہ آئی ءَ چہ جی ڈی پی ءِ تہا نیزگاری ءِ شرح گیش بوتگ، ماحولیاتی نظام آماچ بوتگ، ماحولیاتی ءُ آپ ہوا آماچ بوتگ، ملازمت آنی تہا کمی، زالبول ءُ جنک زھگانی سرءَ لٹءُ کُٹء ُ زھگانی آروس دیئگءِ ھترہ اِنت۔ زانگ بہ بیت کہ گوستگیںک سال اکتوبر ءَ پوسٹ ڈیمیج نیڈز اسسمنٹ (پی ڈی این اے) حکومت پاکستان ء ُ آئیءِ میاں اوستمانی دیمروئی شریدار ء ُ ورلڈ بینک، ایشیائی دیمروئی بینک ، یورپی یونین ، اقوام متحدہ ءِ کمکی ادارگاں یکجاہ کتگ بوتگ کہ آئی ءِ تہا اے آپت ءِ حرچہ ءِ ھساب 30.1 بلین ڈالر جنگ بوتگ۔ ایشی ءِ تہا بنکی ڈھانہ ءَ را 14.9 بلین ڈالرءِ نقصان ءُ اقتصادی نقصان 15.2 بلین ڈالر ہوار اَنت۔ بحالی، ءُ نوک بندگ ء ُ جوڑ کنگءِ کم چہ کم ضلورتانی حرچہ حساب 16.3 بلین ڈالر جنگ بوتگ۔ اے موہءَ تران کتگء ُ بنجاہی وزیر ءَگشتگ کہ مُچ 16.3 بلین ڈالر ءِ تہا پاکستان حکومت 50 درسد وتی آسراتیاں حرچ کنت وہدے کہ میاں ا وستمانی براتی ءَ چہ دزبندی کتگ کہ آ آیوکیں سئے سالانی تہا پاکستان ءَ را 8 بلین ڈالرءِ کمک ءَ بدے اَنت تنکہ پاکستان ءِ تباہ بوتگیں انفراسٹرکچر ءَ را کم چہ کم وہدءَ یک رندے پدا جوڑ کنگ بہ بیت۔ اے اپت ءِ نتیجگءَ جی ڈی پی ءَ را بوتگیں نقصان مالی سال 2022 ءَ کم ءُ گیش 2.2 درسد بوہگءِ حساب جنگ بوتگ، کشتء ُ کشاری ءَ پڑءَ 0.9 درسد ءِ درساں چہ مستریں کمی بوتگ۔ آئی ءَ گیش گشتگ کہ بحالی ءُ آبات کنگءِ ضلورت ءِ حرچہ آنی حساب مالی سال 2023 ءِ بجٹءِ راجی دیمروئی حرچہ آں چہ 1.6 درسد گیش اَنت۔ بنجاہی وزیر ءَ گشتگ کہ پاکستان اے ملک آں چہ گیش آماچ بوتگ کہ آیاں گوستگیں سال موسمیاتی مٹء ُ بدلی ءِ نتیجگءَ بدتریں تباہیءِ دیمپانی کتگ، مون سون ءِ ہوراں، لھتین بہرآں کمءُگیش 400 د رسد گیش ہُشکنگیں دمگاناں آما چ کوتگ۔ ایشی ءَ ابید 1,700 ءَ چہ گیش مردم بیران، کہ آیانی تہا زھگ ہم ہوا ربوتگ اَنت۔ نیزگاریں دمگ گیش آماچ بوتگ اَنت۔ ایشانی تہا بنکی ڈھانچہ ءِ نقصانانی تہا کم ءُگیش 13,000 کلومیٹر دگ، 400 بُل ء ُ بازیں ڈیم، ءُ 25,000 ءَ چہ گیش وانگ جاہ ء ُ 1،500 جانءُ سلامتی ءِ آسراتی تباہ بوتگ اَنت۔
