جنیوا ۔ 09 جنوری (اے پی پی) چاگڑدی بدلی آن مروک آ بھسکاری آن پد پاکستان نا پوسکن تفنگ نا بابت جنیوا ٹی مروک آ کانفرنس نا بنااینو وزیرخارجہ بلاول بھٹو زرداری نا بشخ ہلوک آتے بخیر اٹ پاننگ نا ہیت آتیان مریک اوکان پد وزیراعظم شہباز شریف و اقوام متحدہ نا سیکرٹری جنرل بنائی ہیت آتا سیشن نا کماشی ءِ کیرہ۔ دوشنبےنادے آ دفترخارجہ نا رداٹ وزیرخارجہ بلاول بھٹو زرداری چار سیشن آتیا تالان کانفرنس نا ارٹ میکو و مسٹ میکو سیشن نا کماشی ءِ کیک، ارٹ میکو سیشن نا بناسہ بجہ ءُ 15 منٹ آ مریک وخت اس کہ وقفہ غان پد ارٹ میکو سیشن نا دُوارہ بناشش بجہ ءُ 30 منٹ آ مریک، وقفہ ٹی وزیراعظم شہباز شریف و اقوام متحدہ نا سیکرٹری جنرل پریس کانفرنس کیرہ۔ وزیرخارجہ بلاول بھٹو زرداری نا کماشی ٹی مسٹ میکو سیشن ہفت ءُ نیم بجہ غا مریک۔ الیکٹرانک میڈیا و ڈیجیٹل میڈیا غا لائیو کوریج کن اقوام متحدہ نا ویب سائٹ آ کانفرنس نا اولیکو و ارٹ میکو بشخ آن بیدس کانفرنس اٹی مروک آ ایلو سیشن تا مسہ جتا جتا لائیو اسٹریمنگ لنک دوئی ءِ۔
