جنیوا۔9جنوری (اے پی پی):مزن وزیر محمد شہباز شریف ءِ پاکستان ءِ سیلاپ ءَ چہ آماچیں مردم آنی کمک ءُ آسودگتی ءِ واستہ میاں اوستمانی تک ءَ کوشست آسر ءَ سر بنت، مزن وزیر ءِ سروکی ءَ حکومتی ڈل ءِ ٹوھیں کامیاتی، سیلاپ ءِ آماچیں مردم آنی برجائی ءِ واستہ اربانی ڈالر ءِ کمک ءِ جار جنگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جنیوا َ برجمیں کانفرنس ءَ میاں اوستمانی مالیاتی ادارگ ءُ دوستیں ملک آں پاکستان ءَ سیلاپ ءَ چہ آماچیں مردم آنی گوانک ءِ پد ءَ کمک ءِ ھاترا گیشاں چہ گیش بھر زوری کتگ۔ اسلامتی ڈویلپمنٹ بینک گروپ ءِ نیمگ ءَ چہ 4 ارب 20 کروڑ ڈالر ءِ جار جنگ بوتگ۔ ورلڈ بینک ءِ نیمگ ءَ چہ مزن وزیر شہباز شریف ءِ کوشست ءِ نتیجگ ءَ چہ سیلاپ ءِ آماچیں مردم آنی واستہ 2 ارب ڈالر ءِ کمک ءِ جار جنگ بوتگ۔
