جنیوا۔9جنوری (اے پی پی): مزن وزیر محمد شہباز شریف ءَ گوں اسلامتی ڈویلپمنٹ بینک ءِ صدر ڈاکٹر محمد الجاسر ءِجنیوا ءَ گند ءُ نند کت۔ گند ءُ نند ءَ مزن وزیر ءَ محمد الجاسر ءِ کانفرنس ءَ شریک بوھگ ءَ را وش اتک کت۔ مزن وزیر ءَ صدر اسلامتی ڈویلپمنٹ بینک ءَ را پاکستان ءَ استیں سیلاپ ءَ چہ تباہی ءُ حکومت ءِ سیلاپ ءَ چہ آماچیں مردم آنی آسودگی ءِ واستہ گامگیج آنی بابت ءَ سرپد کت۔ صدر اسلامی ڈویلپمنٹ بینک ءَ مزن وزیر ءَ را پاکستان ءِ گوما سیلاپ ءِ آماچیں مردم آنی آسودگی ءِ رد ءَ سرجمیں کمک ءِ دل یکیمی کنائینت۔ آئی ءَ گوشت کہ اسلامی ڈویلپمنٹ بینک ءِ واستہ پاکستان سک باز ارزشتی ایں ملک ات۔ اسلامی ڈویلپمنٹ بینک سکی ءِ آماچیں بے گسیں پاکستانی برات ءُ گہار آناں وتی توامیں آسراتی آناں کارمرز کنگ ءَ کمک پجاری کنت۔ مزن وزیر محمد الجاسر ءِ سیلاپ ءِ آماچیں مردم آنی کمک ءُ پاکستان ءِ گوما کمک کنگ ءِ پد ءَ گیشاں چہ گیش شگر ءُ منت واری گپت ءُ آئی ءَ حکومت ءِ پاکستان ءَ درآمدی ایندھن ءِ بڈوئی ءَ را کمک کنان ءَ جوانیں ھاٹیگ ءِ در آناں کارمرز کنگ ءِ گامگیج آنی بابت ءَ سرپد کت۔ مزن وزیر ءَ محمد الجاسر ءَ را حکومت ءِ 10 ہزار میگاواٹ ءِ سولر منصوبگ ءِ بابت ءَ سرجمیں رنگ ءَ سرپدی کت ایشی ءَ چہ حکومت ءَ ناں ایوک ءَ کمو ھرچ ءُ درچ ءُ ماحول دوستیں توان پیداک کنگ بوت کنت بلکینگ ءَ ایندھن ءِ بل آنی تہ ءَ گہتریں رنگ ءَ کم بنت۔
