اسلام آباد۔ 29 دسمبر (اے پی پی) وزیر مملکت خزانہ و محصولات ڈاکٹر عائشہ غوث پاشا پارینے کہ ملک انا گچین فائدہ غاتے ٹی بے گرج و پرتعیش گڑاتا درآمد آ پابندی خلنگا، دا پابندیک عارضی وڑانا ءُ، و زرگزران و کرنسی نا حالیت آتا گچین مننگ آ اوفتے ٹی نرمی کننگک، داہیت ءِ او پنچ شنبے نادے آ داڑے سینیٹ نا قائمہ کمیٹی خزانہ و محصولات نا دیوان اٹی پارے۔ قائمہ کمیٹی نا دیوان سینیٹر سلیم مانڈوی والا نا کماشی ٹی پارلیمنٹ ہاؤس اٹی اڈ ہلک۔ دیوان نا بناٹی مسکوہی فاٹا نا صنعتی ادارہ غاتا بابت فیڈرل ایکسائز ڈیوٹی/سیلز خراج نا بقایاجات نااستثنانا باندات آ سرجم گپ وتران مس، دیوان اٹی مالاکنڈ چیمبر آف کامرس اینڈ انڈسٹری نا عہدیدار آک کمیٹی آن درخواست کریر کہ مسکوہی فاٹا و پاٹا ٹی واقع اسٹیل و سی و کنوئی آ تیل انا 86 صنعت آتے روبہ ماضی فیڈرل ایکسائز ڈیوٹی آن اِلنگ، ایف بی آر ءِ ان پٹ خراج کریڈٹ نا واپسی نا موکل تننگ یا ٹیرف ایریہ غاتیٹی سپلائی نا بدلہ اونا ایڈجسٹمنٹ، مسکوہی فاٹا ٹی تیل، سی و اسٹیل نا صنعت آتے بجلی نا بل آتے ٹی خراج آن استثنیٰ ، مسکوہی فاٹا و پاٹا ءِ ایف بی آر نا زیر انتظام لیویز اٹی اِلنگ نا مد اٹی پین پانچ سال انا ودکی کن بنجائی حکومت ءِ فیڈرل ایکسائز ایکٹ 2005 اٹی ترمیم آتا سلاہ پیش کے، چیئرمین کمیٹی جوان سجفنگ آن پد مالاکنڈ چیمبر آف کامرس اینڈ انڈسٹری نا عہدیدار آتے پارت کرے کہ او خراج استثنا نا جوان جواز اس فراوان کیر و دا باندات آ حکومت تون پین گپ وتران کیر۔ دیوان اٹی لیٹر آف کریڈٹ ملنگ نا بابت پابندی و اسلام آباد اٹی مووان پک نا پن اٹ فائیو اسٹار ہوٹل نا امور آ ہم سرجم شرہ مس۔ وزیر مملکت خزانہ و محصولات ڈاکٹر عائشہ غوث پاشا پارے کہ زبردست زرگزرانی زور انا سوب آن گڑا س پابندی عائد کروئی تمانے، ملک انا گچین فائدہ غاتیٹی بے گرج و پرتعیش گڑاتا درآمد آ پابندی خلنگا، دا پابندی عارضی وڑانا ءُ و زرگزران و کرنسی نا حالیت آتا گچین مننگ آ اوفتے ٹی نرمی کننگک۔ کمیٹی نا باسک آک پاریر کہ دا بابت 90 درسد کاریم مہالو آن ہی پورو مسنے، باسک آک اسٹیٹ بینک و وزارت خزانہ نا کمامدارآتے مشورہ تس کہ او درآمد آتا مخصوص درخواست آتیا سفجر و داچرجوئی ٹی پوریاگر آتے مون تروک ویل آتا چٹفنگ کن کاریم کیر۔ دیوان اٹی سینیٹرز فاروق حامد نائیک، سعدیہ عباسی، انوارالحق کاکڑ، مشتاق احمد، وزیر سیفران سینیٹر محمد طلحہ محمود،وزیر مملکت خزانہ و محصولات ڈاکٹر عائشہ غوث پاشا، وزارت خزانہ و اسٹیٹ بینک انا سینئر کمامدارآک بشخ ہلکر۔
