بغداد۔ 14مئی (اے پی پی) عراقی فوج الانبار اٹی شدت پسند تنظیم داعش نا اسہ اہم ئُ دیوان اسے آ بمباری کرسا کیہی تنظیم نا کیہی اہم انگا کمانڈر آتے تپاخت کننگ نا داوا کرینے۔ عراقی میڈیا وارسیل نا کنڈآن جاری اسہ بیان اسے ٹی داوا کننگانے کہ دیکی الانبار اٹی القائم شار اٹی داعشی لیڈر اسہ اہم ئُ دیوان اس برجاتخاسس۔ سیکورٹی فورس آتے اوفتا بارواٹی راستکی احوال ملنگ آ کارروائی کننگا ہراٹی چندی جنگوڑوتپاخت کریر۔ میڈیا وارسیل انا بیان اٹی داوا کننگانے کہ داعش نا ہندا دیوان اٹی روچہ ٹی دہشت گردی نا کارروائی تا ڈٹ بندی کننگاکہ۔
