اسلام آباد۔ 21 ستمبر (اے پی پی) بنجائی وزیر داخلہ رانا ثناء اللہ خان پارینے کہ توشہ خانہ ریفرنس اٹی دُز دُزی آ ہلنگانے، عمران خان 26 کروڑ نا فراڈ کرے، خیسن نا قلم ءِ دُزانے، شوکت خانم ہسپتال و نمل یونیورسٹی نا اکاؤنٹ آتا پڑتال ءِ کیر تو اوٹی ہم عمران خان نا دُزی ہلنگک، عمران خان توہین عدالت کرینے ہرا کہ پک ءِ، داسہ عمران خان معافی خواہک تو او تعہین عدالت ختم تو مفک، ہراصوبہ غاک عمران خان نا لانگ مارچ ءِ سپورٹ کیرہ تو آئین نا اسُل خلاف ورزی ءِ کیرہ و داوڑاٹی بنجائی حکومت آئین نا رداٹ گام گیج کیک۔ او چارشنبےنادے آ ایف آئی اے و یو این اوڈی سی نا شریداری اٹ بڑزکو کہولی سلابتی ورکشاپ آن تران کریکہ۔ ڈی جی ایف آئی اے محسن حسن بٹ، یو این اوڈی سی پاکستان نا نمائندہ جرمی ملسیم، انٹرنیشنل آرگنائزیشن فار امائیگریشن نا چیف آف مشن میلو سیٹو، نیشنل ٹی آئی پی کمیٹی نا کوآرڈنیٹر جاوید اخترریاض و ایڈیشنل ڈی جی ایف آئی اے اشرف زبیر صدیقی، ایگزیکٹیو ڈائریکٹر ایس سی ڈی او سید کوثر عباس تون اوار سول سوسائٹی و این جی اوتا نمائندہ غاک ہم دود اٹی ساڑی ئسر۔ اسہ سوج اسے نا ورندی ٹی وزیرداخلہ رانا ثناء اللہ خان پارے کہ توشہ خانہ ریفرنس اٹی دُز دُزی آ ہلنگانے، غیر اخلاقی حرکت کرینے، انت داوڑ ہم مننگ کیک کہ کس اس ٹیکی ایتے اودے پین اس سوداکے، عمران خان 25ء 26 کروڑ نا فراڈ کرے، خیسن نا قلم ءِ دُزانے۔ اوپارے کہ نمل یونیورسٹی و شوکت خانم ہسپتال نا فنڈ آتا پڑتال ءِ کیر تو اوٹی ہم عمران خان نا دُزی مون آ بریک ، ہرا بندغ 15 آن 20 کروڑ روپئی کن بے ایمان مریک و ہندن دُزی کیک ہراڑآن مچ آ پاکستان نا بدنامی مریک۔
