اسلام آباد۔27جون (اے پی پی): راجی اسمبلی ءِ باسک ابرار شاہ، طاہر اقبال، صلاح الدین جونیجو، جام عبدالکریم بیجار، عبدالقادر گیلانی ءُ سردار یعقوب خان ناصر ءَ مزن وزیر محمد شہباز شریف ءَ گوں گند ءُ نند کت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دیوان ءِ تہ ءَ قومی اسمبلی ءِ باسک آں مزن وزیر ءَ را آیوکیں مالی سال ءِ بجٹ ءِ قومی اسمبلی ءِ نیمگ ءَ منظوری ءِ پد ءَ مبارک بات داتگ۔ اے موہ ءِ سر ءَ سیادی داروکیں حلقہ آنی جیڈھ آنی سر ءَ ھم گپ ءُ تران کنگ بوت۔ گند ءُ نند ءِ ساھت ءَ پبلک افیئرز ءِ وزیر یونٹ رانا مبشیر اقبال، بجلی ءِ وزیر مملکت عبدالرحمن کنجو ءُ ھاسیں کمکار طلحہ برکی ھم ھوار بوتگ اَنت۔
