نیویارک۔ 3مئی ( اے پی پی) امریکا ئِ پیسرگیں دری کارانی وزیر ءُ صدارتی امیت وار ہیلری کلنٹن ئَ یک رندے پدا بھتان جتگ کہ صدر ڈونلڈ ٹرمپ ئِ سوبمندی ئِ تہا روسءُ امریکی ایف بی آئی ئِ سروک جیمز کومے ئَ وتی کرد پیلو کتگ۔ نیویارک ئَ ویمن فورم ئَ گوں تران کنانئَ ہیلری کلنٹن ئَ گشتگ کہ امریکی صدارتی گچین کاری ئِ تہا روسءُ ایف بی آئی ئِ دستئِ مان بوھگئَ آئی ئِ ووٹرز آناں بیم داتگ بوتگ ءُ آئی ئِ گچین کاری مہم ئِ وھدئَ گچین کاری ئَ چہ لھتیں روچ پیسر 28اکتوبر ئَ را جمیز کومے ئِ نیمگئَ چہ آئی ئِ ای میلزءُ روس ئِ نیمگئَ چہ وکی لیکس ئِ جیڑھ ھالانی تہا شنگءُ تالان بوھگ انچیں گپے نہ بوتگ بلکیں آھانی وت ساچ کتگیں جیڑھے بوتگ کہ گچین کاری مہم ءُ ووٹرز آنی ھیال ءُ لیکہ ئِ سرئَ اثر مند بوتگ اَنت۔ آئی ئَ گشتگ کہ روس ءُ جمیز کومے ئِ حرکتئَ آئی ئِ ووٹرز ئَ را بیم ئِ تہا کتگ۔ آئی ئَ گشتگ کہ اگاں ھمےں گچین کاری 27اکتوبر ئَ بوتیناں گڈا آئی ئَ المّا باج بُرت۔
