اسلام آباد۔14اگست (اے پی پی):وزیر ءِ درئی کار بلاول بھٹو زرداری ءَ گوشت کہ 75 سال ءِ ساھت ءَ پاکستان ءَ توکی ءُ ڈنی دوئیں رد ءَ مشکل آنی گوما مقابلہ کتگ۔ پدا ھم ما مدا اے جیڈھ آنی ھوالگ ءَ سگ ءُ اوپار کشی ءِ گوما گر ءُ داری کتگ۔ ڈنی ملک ءَ سفارتخانہ ملکی بیانہ ءَ را دیم ءَ ودینگ ءِ واستہ السی سفارت کاری ءِ کارمرز ءَ بکن انت، دوئیں یکوئی آناں مھکم کنگ ءِ واستہ شریکداری بکن اَنت۔ پاکستان ڈائمنڈ بوجلی ءِ موہ ءَ وتی کلوہ ءَ آئی ءَ گوشت کہ شمارا درستاناں مئے آزاتی ءِ 75 سالروچ ءِ باز باز مبارک بات دیاں ، آئی ءَ گوشت کہ من گل ءُ شات آں۔ اے روچ ءَ قائداعظم محمد علی جناح ءُ آئی ءِ ھمبراہ آناں سلام پیش کناں۔ آئی ءَ گوشت کہ آوانی قربانی ءُ بے کساسیں جہد ءُ کوشست ءَ چہ آزاتی ءِ نعمت مارا رستگ۔
