کوئٹہ۔ 14 اگست (اے پی پی) وزیراعلیٰ بلوچستان میر عبدالقدوس بزنجو ہرنائی ٹی سیکورٹی فورس آتیا سم کاری نا واقعہ نا مذمت ءِ کرسا پارے کہ لغور دہشت گرد آک اسہ وار ولدا تینے ڈکسا جلہو کریر ننے وطن عزیز نا خاطر جان تے ندر کروک آ نرزور پاک فوج آ گمر ءِ۔ یک شنبے نادے آ سی ایم سیکرٹریٹ آن جاری اسہ بیان اسے ٹی وزیراعلیٰ پارے کہ اِرا ورناتا شہیدی نا واقعہ است ہسونی نا سوب ءِ ، داوڑنا لغوری کارروائی تیان ننا حوصلہ ءِ شیف شاغنگ مفک، دہشت گردی نا عفریت ءِ ماس کش کننگ آن بیدس آسرات تولپنہ۔ وزیراعلیٰ شہید کارندہ غاتا خاہوت آتون ہڑزخواہی و ہمدردی نا درشانی ءِ کرسا مچ آ قوم خاہوت آتا غم اٹی بریبر نا شریک و اوفتے تون تفوک ءِ۔ اوواقعہ ٹی ٹھپی مروک آ سیکورٹی آفیسر نا زوت دراخ جوڑی کن دعا کرے۔
