لاہور اٹی عمران خان نا تران اٹی کنسرٹ، محفل قوالی و آتش بازی ءِ ہُننگ آن بیدس متکبرانہ، خودپسندانہ و دروغ آ مبنی گپ وتران ءِ بنگن، رانا ثناء اللہ

مکہ مکرمہ۔ 14 اگست (اے پی پی) وزیر داخلہ رانا ثناءاللہ خان پارینے کہ لاہور اٹی عمران خان نا تران اٹی کنسرٹ ، محفل قوالی و آتش بازی ءِ ہُننگ آن بیدس متکبرانہ ، خودپسندانہ و دروغ آ مبنی گپ وتران ءِ بِنگن،گنوک خان نا دا دروغ تے پاکستانی قوم ءِ تدوک آ 26 سال آن سگنگ ءِ، فتنہ خان تون تدوک آ 26 سال آن اسہ ہی سکرپٹ ءِ۔ داسہ پوسکن آ جلسہ غاتا پڑو آن قوم ءِ دا دروغ و متکبرانہ گپ وتران 2 تُو پین بنوئی تمک۔ یک شنبے نادے آ مکہ مکرمہ غان عمران خان و پرویز الٰہی نا تران آ ردعمل اٹی وزیر داخلہ رانا ثناء اللہ خان پارے کہ اللہ نا اُراٹی دادعا ءِ کہ دا دروغ، فریب ، گمراہی و عمرانی فتنہ غان اللہ تعالیٰ وطن عزیز و پاکستانی قوم ءِ رکھے۔ اوپارے کہ وزیراعظم شہباز شریف نا کماشی ٹی ننا حکومت تینا خواری و گچین پالیسی تے اٹ پاکستانی الس ءِ تاریخی ریلیف ایتک۔ اوپارے کہ عمران خان نا دوتیان 4 سال انا زرگزرانی بھسکاری و بدحالی آن قوم ءِ نجات ترفک۔