وزیراعظم محمد شہباز شریف یک شنبے نادے آ یوم آزادی نا وخت آ راول چوک فلائی اوور اسلام آباد نا بناءِ کرے

اسلام آباد۔ 14 اگست (اے پی پی) وزیراعظم محمد شہباز شریف یک شنبے نادے آ یوم آزادی نا وخت آ راول چوک فلائی اوور اسلام آباد نا بناءِ کرے۔ داوخت آ وزیراعظم ءِ ڈٹ انا بارواٹ حوال تننگا۔ وزیراعظم تون اوار مسکوہی اسمبلی نا باسک حنیف عباسی، ڈاکٹر طارق فضل چوہدری، ملک ابرار، اسمبلی نا باسک طاہرہ اورنگزیب، طارق فاطمی، سی ڈی اے، ایف ڈبلیو و ایلو محکمہ غاتا بڑزکو کمامدار آک ہم ساڑی ئسر۔ داڈٹ آن راولپنڈی، اسلام آباد نا شاریک فائدہ ہرفرہ و ٹریفک نا روانی ٹی آسانی مریک۔ وزیراعظم ءِ چیئرمین سی ڈی اے پارے کہ  اورنج لائن بس آتا کچ بناٹی 15 ئسک ہراداسہ ودسا 35 مسنے۔ وزیراعظم نا پارت آ میٹرو بس آتا کچ اٹی 20 بس آتا ودکی کرینے۔ داسہ مسہ پین بس سروس نا ہم بناءِ کننگ انگ ءِ دافتے ٹی اسہ سروس ترامڑی آن آبپارہ براستہ پارک روڈ، واہ کینٹ آن این 5 وکھنہ آن نیلور اوار ءُ۔ راول روڈ فلائی ءِ پورو کرینن، دورویہ انڈر پاس ءِ 20 آن 25 دے تیٹی پورو کینہ۔ سی ڈی اے ہنکینی ڈٹ آتیا ہم ترندی اٹ عمل کننگ ءِ بھارہ کہو بائی پاش نا تفنگ نا ستمبر نا اولیکو ہفتہ ایف ڈبلیو او بناءِ کیک۔