کراچی۔ 14 اگست (اے پی پی) وزیراعلیٰ سندھ سید مراد علی شاہ پاکستان نا 75 می یوم آزادی آ اہل وطن ءِ مبارکبادی ترسا پارینے کہ نن تینا قائد ءِ خراج عقیدت پیش کننگ کن بسونن، ننے اواری اٹ دا ملک ءِ سوگو کروئی ءِ، اینو نادے کشمیری ایلم تے ہم بایدے یات تخنگے۔ یوم آزادی نا ڈائمنڈ جوبلی نا وخت آ قائم مقام گورنر سندھ و صوبائی کابینہ نا …
اہل وطن ءِ یوم آزادی مبارک، ننے اواری اٹ ملک ءِ سوگو کروئی ءِ، وزیراعلیٰ سندھ انا قائد نا مزار آ حاضری نا وخت آ گپ وتران
گیشتریں ھال
کراچی۔ 14 اگست (اے پی پی) وزیراعلیٰ سندھ سید مراد علی شاہ پاکستان نا 75 می یوم آزادی آ اہل وطن ءِ مبارکبادی ترسا پارینے کہ نن تینا قائد ءِ خراج عقیدت پیش کننگ کن بسونن، ننے اواری اٹ دا ملک ءِ سوگو کروئی ءِ، اینو نادے کشمیری ایلم تے ہم بایدے یات تخنگے۔ یوم آزادی نا ڈائمنڈ جوبلی نا وخت آ قائم مقام گورنر سندھ و صوبائی کابینہ نا باسک آتون اوار بانی پاکستان نا مزار آ حاضری آن پد گپ وتران کرسا وزیراعلیٰ پارے کہ درو لاہورنا پی ٹی آئی جلسہ کن پاکستان نا جھنڈا ءِ شیف دڑفنگا۔ نن دانا مذمت ءِ کینہ۔ عمران نیازی اقتدار کن ملک انا مہرومریبت و ہر روایت ءِ گیرام کرینے۔ اوپارے کہ ملک مشکل دور آن گدرینگ انگ ءِ، ننے مہر و مریبت و یکجہتی اٹ مون آ ہنوئی ءِ۔ وزیراعلیٰ پارے کہ جولائی ٹی کراچی ٹی غٹ آن زیات پِر مس، شار انا مچ آ قدرتی دیر ءِ کشنگ نا کسر تیا تجاوزات آتا سوب آن دیر انا کشنگ نا ویل مریک، سندھ حکومت دا ویل آتے ایسر کننگ نا کوشست کننگ ءِ و داسہ حالیت آک بھاز جوان ءُ۔ سید مراد علی شاہ پارے کہ نن شار انا سڑک آتا جوڑ جاڑ کن اسہ ارب روپئی تخانن و پین فنڈ آتا بست وبند ءِ کننگ اُن۔
