پاکستان نا آجوئی قائد اعظم نا ولولہ انگیز کماشی و علامہ اقبال نا سوچ انا بھرم ءِ، ایڈیشنل چیف سیکرٹری ساؤتھ پنجاب

ملتان۔ 14 اگست (اے پی پی) ایڈیشنل چیف سیکرٹری ساؤتھ پنجاب کیپٹن (ر) ثاقب ظفر پارینے کہ 14 اگست نادے ننے تینا باوہ و پیرہ نا عظیم قربانی تا یات ترفک، پاکستان نا آجوئی قائد اعظم نا ولولہ انگیز کماشی و علامہ اقبال نا سوچ انا بھرم ءِ۔ داخیال آتا درشانی ءِ او 75 می یوم آزادی نا وخت آ تینا کلہو اٹی کرے۔ ثاقب ظفر پارے کہ پاکستان نا آجوئی کن لکھ آ مخلوق دترنا دریا تے تسر، وطن کن جان تا قربانی تروک آ شہید آتے سلام پیش کینہ۔ ایڈیشنل چیف سیکرٹری پارے کہ آجوئی اسہ بھلو نعمت اسے ، جشن آزادی نا وخت آ ننے تینا وطن ءِ شونداری و شونہالی نا بڑزی تسکان دننگ نا قول کروئی ءِ۔ اومچ آ قوم و سویلی پنجاب نا الس ءِ 75 می یوم آزادی نا مبارکبادی تس۔