یوم آزادی پاکستان نا مرکزی دود گلگت چنارباغ اٹی اڈ ہلک، وزیراعلیٰ گلگت بلتستان خالد خورشید مہمان خاص

گلگت  ۔ 14 اگست (اے پی پی) یوم آزادی پاکستان نا مرکزی دود گلگت چنارباغ اٹی اڈ ہلک ہرانا مہمان خاص وزیراعلیٰ گلگت بلتستان خالد خورشید ئسک۔ اوڑآن بیدس دا دود اٹی قائم مقام گورنر گلگت بلتستان امجد زیدی، گلگت بلتستان اسمبلی نا باسک آک، چیف سیکرٹری گلگت بلتستان محی الدین وانی، انسپکٹر جنرل آف پولیس گلگت بلتستان سعید وزیر، سرکاری و عسکری ادارہ غاتا سروک آک، سول سوسائٹی نا مخلو ق تون اوار اسکول آتا طالب علم آتا بھلو کچ اس پبی بشخ ہلکر۔ داوخت آ بیرک ءِ چست کننگا، وزیراعلیٰ گلگت بلتستان و قائم مقام گورنر گلگت بلتستان یات گار شہداء آ حاضری تسر، یات گار شہداء آ پھل آتا چادر اس شاغار و دعاپاتیا کریر۔ دود آن وزیراعلیٰ گلگت بلتستان تران کرسا مچ آ قوم ءِ پاکستان نا 75 می جشن آزادی آ مبارکبادی تس۔ اوپارے کہ جشن آزادی آن باوہ و پیرہ غاتا تروک آ قربانی تا یات تازہ مریک۔ پاکستان ءِ دوئی کننگ اٹ برصغیر نا غٹ مسلمان تا قربانی اوار ءِ۔