لاہور۔ 14 اگست (اے پی پی) جمعیت علمااسلام سٹی لاہور نا جنرل سیکرٹری حافظ عرفان شجاع بٹ پارینے کہ آجوئی دنیا نا غٹ آن بھلا نعمت ءِ۔ پاکستان است و جون آن دوست ءِ، و اونا رکھ اکن ہروڑنا قربانی تننگ کن تیار اُن۔ پاکستان نا 75 می یوم آزادی و ڈائمنڈ جوبلی پورو مننگ آ تینا اسہ بیان اسے ٹی اوپارے کہ پاکستان ننا بزرگ آتا تروک آ اسہ …
پاکستان است وجون آن دوست ءِ، اونا رکھ اکن جون اتون اوار ہروڑنا قربانی تننگ کن تیار اُن، حافظ عرفان شجاع
گیشتریں ھال
لاہور۔ 14 اگست (اے پی پی) جمعیت علمااسلام سٹی لاہور نا جنرل سیکرٹری حافظ عرفان شجاع بٹ پارینے کہ آجوئی دنیا نا غٹ آن بھلا نعمت ءِ۔ پاکستان است و جون آن دوست ءِ، و اونا رکھ اکن ہروڑنا قربانی تننگ کن تیار اُن۔ پاکستان نا 75 می یوم آزادی و ڈائمنڈ جوبلی پورو مننگ آ تینا اسہ بیان اسے ٹی اوپارے کہ پاکستان ننا بزرگ آتا تروک آ اسہ ٹیکی اسےاللہ ننا ملک ءِ ہرخراب آ نظر و خراب آ ساہت آن رکھے۔ ڈپٹی سیکرٹری حوالکاری جمعیت علماء اسلام سٹی لاہور قاری منظور الحسن چترالی پارے کہ پاکستان نا جوڑ مننگ و تعمیر پاکستان اٹ عالم دین تا حق انا کوشست و جہد نا تاریخی کڑد اسے۔ بانی پاکستان قائد اعظم محمد علی جناح تون ہم کوپہ پاکستان ءِ جوڑ کننگ نا چرجوئی ٹی علماحق انا جلیل القدر خذمت آک تاریخ نا بشخ اسے ءُ۔ اوپارے کہ آجوئی نا دوئی کننگ کن ننا باوہ و پیرہ و سرکڑدہ غاک قربانی تسنو۔
