پاکستان نا 75 می جشن آزادی ڈائمنڈ جوبلی آ مظفرگڑھ پولیس نا سیکورٹی پلان آ عمل برجا

مظفرگڑھ۔ 14 اگست (اے پی پی) پاکستان نا 75 می جشن آزادی ڈائمنڈ جوبلی نا خوشی نا وخت آ مظفر گڑھ پولیس نا کنڈآن سیکورٹی پلان آ عمل برجاءِ۔ پولیس ترجمان نا رداٹ 75 می جشن آزادی نا وخت آ مظفر گڑھ پولیس شاری تا رکھ و کانود شکنی ءِ توننگ کن سخت سیکورٹی پلان اس جاری کرے۔ ڈی پی او سید احمد نواز شاہ پارے کہ ون ویلنگ، ہوائی سم کاری و آتش بازی نا توننگ کن جوان حکمت عملی اس جوڑ کننگا، اوپارے کہ ون ویلنگ، ہوائی سم کاری و آتش بازی انسانی جان تا زیان نا سوب مریک، کانود شکنی کروک آتے سخت پارت کرسا پارے کہ کانود شکنی  کروک آ بندغ آتا برخلاف سخت ایکشن ہلنگک، اومستی پارے کہ جشن آزادی نا دود و سیل و سواتی ہند آتیا الس ءِ فول پروف سیکورٹی تننگ انگ ءِ۔