بلوچستان اٹی یوم آزادی نا دود آتا بناکوئٹہ ٹی 21 توپ آتا سلامی اٹ مس، مچ آ صوبہ ٹی چنکو و بھلو دود اڈتننگا

کوئٹہ۔ 14 اگست (اے پی پی) بلوچستان اٹی 75 می یوم آزادی روایتی جوش و جوزہ اٹ اڈتننگ انگ ءِ ، بلوچستان اٹی یوم آزادی نا دود آتا بناصوبائی دارالحکومت کوئٹہ ٹی 21 توپ آتا سلامی اٹ مس کوئٹہ گریژن تون اوار مچ آ صوبہ ٹی سہب انا نماز آن پد ملک انا شونداری، سلامتی یکجہتی، امت مسلمہ نا سیوت و کشمیری تا متکن آ جہد اٹی سرسہبی کن خصوصی دعا خواہنگا بلوچستان اٹی یوم آزادی نا غٹ آن بھلا دود کوئٹہ ٹی صوبائی اسمبلی نا سوزہ زار آ اڈ ہلک ہراڑے وزیراعلیٰ بلوچستان میر عبدالقدوس بزنجو قومی بیرک ءِ چست کرسا دود انا بناءِ کرے داڑآ صوبائی وزیر آک ، سلاہکار آک ، پارلیمانی سیکرٹریک و اسمبلی نا باسک آتون اوار سول و فوجی آفیسر آک بشخ ہلکر۔ دود آن تران کرسا وزیراعلیٰ بلوچستان میر عبدالقدوس بزنجو پارے کہ پاکستان اسہ سوگو ءُ ملک اسے و چندی چیلنج آتون مون ترسا نن مون آ ہِننگ اُن 27 روچہ مبارک آ جوڑ مروک آ دا ملک اللہ تعالیٰ نا نعمت اسے ننے ملکی شونداری و شونہالی کن ذات پات، قومیت، سندھی ، پنجابی، بلوچ پشتون آن پیش تمسا اسہ قوم اسے نا حیثیت اٹ مون آ ہنوئی مریک پاکستان نا دفاع سوگو دوتے اٹ ءِ و اسٹ اس ہم خراب انگا نظر اٹ ہُننگ کپک۔ اوپارے کہ بلوچستان پِر ونوکاپ نا سوب آن اینو اسہ امتحان و سخت ءُ وخت اسے آن گدرینگ انگ  ءِ نن وزیراعظم میاں محمد شہباز شریف نا منت وار اُن ہرا مشکل نا دا ساہت اٹی بلوچستان آ خاص چکار تخانے و زہمی تا امداد و بحالی نا بابت نن انت کہ خواست اس کرینن او وخت آ اوفتے پورو کرینے گوکہ نوکاپ و پِر تیان بلوچستان اٹی مروک آ بھسکاری ناقابل تلافی ءِ ولے ننا کوشست ءِ کہ زہمی علاقہ غاتیٹی امداد و بحالی نا کثیر الجہتی کوشست آتے مربوط وڑاٹ برجاتخنگے نوکاپ و پِر تیٹی زوال کروک آ بندغ آتا پدسلوک آتے 10 لکھ بنجائی حکومت و 10 لکھ صوبائی حکومت نا کنڈآن فراوان کننگک اُراتا تفنگ و جوڑ جاڑ کن 2 آن 5 لکھ روپئی فراوان کننگک ریسکیو سرجز آتیان پد روک آ 1 آن 2 ہفتہ ٹی مالی و کشاری نسخان تا کساس نا سروے نا بناءِ کننگک ۔ وزیراعلیم بلوچستان نوکاپی سرجزآتیٹی ہیلی کیپٹر شکست اٹی شہید مروک آ کور کمانڈر کوئٹہ لیفٹیننٹ جنرل سرفراز علی تون اوار فوجی آفیسر و ورناتا خذمت آتے زبردست خراج عقیدت پیش کرسا پارے کہ اوفتا عظیم انسانی خذمت آتے مدام یات تخنگک و اوفتا خذمت آتے تاریخ اٹ روشنا لوز آتیٹی نوشتہ کننگک۔ وزیراعلیٰ بلوچستان پارے کہ نن غٹ اتون گپ وتران کن تیار اُن ولے دہشت گردی و سیکورٹی آ ہچ وڑنا سمجھوتہ کپنہ۔ اوپارے کہ ننا حکومت اپوزیشن تون اوار غٹ تپہ غاتا ویل آتا ایسری کن گپ وتران نا کسر اس تینا کرینے ریکوڈک ڈٹ آ غٹ جماعت آتے پت اٹ ہلسا صوبہ نا فائدہ ٹی فیصلہ کرین ہراڑآن بلوچستان ءِ سالانہ 150 ارب روپئی ملک 11 سال آن پد نن بلوچستان اٹی پرامن و ساف و شفاف بلدیاتی گچین کاری کرفین۔ وزیراعلیٰ بلوچستان میر عبدالقدوس بزنجو جشن آزادی نا خوشی تیٹی بلوچستان نا بندی تا سزا ٹی 2 تُو انا کمتی نا پڑو کرے ولے دا رعایت دہشت گردی و سنگین ڈوہ تیٹی اوار بندی تیکن مفک۔