اسلام آباد۔13اگست (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوشتگ کہ راجی سوت ملک ءِ پجار انت، ری ریکارٹنگ راجی سوت ءِ سر ءَ سیاست مہ بیت، اے مئے درستانی کریڈٹ انت، نوکیں ری ریکاٹنگ بوھوکٰں راجی سوت ءَ پاکستان ءِ دود ءُ ربیدگ ءُ دمگی رنگ ءُ گوناپ آنی گوما جوانیں اکس بندی کنگ بوتگ۔ لیاقت علی خان ءَ چہ پد شہباز شریف دومی مزن وزیر بیت کہ آ باندا پاکستان ءِ افیشل ری ریکارڈڈ راجی سوت ءِ بنگیج ءَ کنت، ملک ءِ دیمپانی ءِ و استہ پاکستان ءِ ارد ءُ سیکورٹی فورسز آں بے کساس قربانی داتگ، ملک ءَ ھرچ وھد ءَ جمہوری دور ءُ باریگ اتکگ ایشی ءِ برورد پاکستان ءِ الس آناں رستگ انت، ڈائمنڈ جوبلی ءِ موہ ءَ یک سیاسی گلے ِ پاکستان ءِ بیرک ءَ را دور کنگ ءُ وتی پارٹی ءِ بیرک ءَ را ٹنگگ ءَ چہ وتی جھل کپتگیں دماگ ءُ بالاد ءِ درور پیش کتگ، آئی ءَ گوشت کہ یوم ءِ آجوئی مارا ءُ مئے ورنا آناں اے کلوہ ءَ دنت نہ ما یک راجے آں ، سبز یں نوک ماہ ءُ استال والائیں بیرک ءِ چیر ءَ ما درست یک مشت ءُ یک راجے آں۔ شمبے ءِ روچ ءَ پریس کانفرنس ءَ گوں گشتانک دیان ءَ آئی ءَ اے تران کت انت۔
