اسلام آباد۔13اگست (اے پی پی): مزن وزیر شہباز شریف ءَ ضلع قلعہ عبداللہ، بلوچستان ءَ استیں ھور ءُ سیلاپ آنی نتیجگ ءَ جانی ءُ مالی تاوان بار آنی ھوالگ ءَ جہلانکیں ڈکھ ءُ نہ وشی ءِ درشان کتگ۔ مزن وزیر میڈیا ونگ ءِ نیمگ ءَ جاڑی بوتگیں جار ءِ رد ءَ مزن وزیر ءَ این ڈی ایم اے پی ڈی ایم اے ءُ بلوچستان حکومت ءَ کمکی کاروائی آناں ترند کنگ ءِ پنت ءُ شون کتگ۔ مزن وزیر ءَ سیلاپ ءَ چہ آماچیں دمگ آنی ھوالگ ءَ زوتیں رد ءَ رپوٹ پیش کنگ ءِ پنت ءُ شون کتگ۔ مزن وزیر ءَ سیلاپ ءَ چہ دو بند آنی پروشگ ءُ توان آنی سرجمیں کچ ءُ کساس ءَ چہ پد رپوٹ پیش کنگ ءِ پنت ءُ شون جاڑی کتگ۔ مزن وزیر ءَ گوشت کہ آ قلعہ عبداللہ ءِ سیلاپ ءِ آماچیں دمگ آنی تر ءُ تاب ءَ ھم کنت۔ آئی ءَ پنت ءُ شون کت کہ سیلاپ ءَ پستگیں مردم آناں اول سرئی بنیات ءَ محفوظیں جاہ ءُ ھند آنی پجارینگ بہ بیت۔ مزن وزیر ءَ گوشت کہ سیلاپ ءَ چہ آماچیں مردم آنی نندگ ءِ وستہ تمبو ءُ وردن ءُ ورگی راشن پجاری ءِ بند ءُ بست دل یکیمی جوڑ کنگ بہ بیت۔
