اسلام آباد۔12اگست (اے پی پی):پاکستان ءَ اولی گچین بوتگیں مزن وزیر شہید لیاقت علی خان ءَ چہ پد مزن وزیر شہباز شریف آ دومی گچین بوتگیں مزن وزیر جوڑ بوتگ ایش قیام پاکستان ءِ 75 سالروچ سرجم بوھگ ءِ رد ءَ جتائیں رنگ ءَ راجی سوت ءِ بنگیج باندات 14 اگست ءَ بندات کنگ بیت۔ پاکستان ءِ جوڑیشت ءَ چہ پد دسمبر 1948 ءَ سردار عبدلرب نشتر ءِ سروکی ءَ حکومت پاکستان ءِ کمیٹی ءَ راجی سوت ءِ تیاری ءِ سر ءَ کار بندات کتگ۔ احمد چھاگلا ءِ تیار کتگیں دُھن ءِ اولی رند ءَ مزن وزیر لیاقت علی خان ءُ کمیٹی ءِ باسک آنی تہ ءَ پیش کنگ بوتگ۔ راجی سوت ءِ واستہ جوڑ کتگیں سٹیئرنگ کمیٹی ءَ 10 اگست 1950 ءَ را اے دُھن ءِ منظوری دات۔ اگست 1954 ءَ حفیظ جالندھری ءِ نبشتہ کتگیں کمپوزیشن ءَ را یک شلیں رنگ ءَ منظور کنگ بوتگ۔ پاکستان مسلم لیگ ن ءِ گوستگیں دور ءِ حکومت ءَ اگست 2017 ءَ راجی سوت ءَ را دوارگ ریکاڑ کنگ ءِ رچ بندات بوتگ۔ ا ے مول ءُ مراد ءِ واستہ توامیں راجی ھالتاک آنی تہءَ ایڈورٹائزمنٹ شنگ ءُ تالان کنگ بوتگ۔ بانک مریم اورنگزیب ءَ اپریل 2022 ءَ وزارت ءِ اھوالکاری ءِ سیٹ ءَنندگ ءَ چہ پد اے منصوبگ ءِ سر ءَ سرجمی ءُ برجمی ءَ کار ترندی ءَ گوں بندات کنگ بوتگ۔ وزارت ءِ اھوالکاری ءُ شنگ کاری ءَ ھوار جتا جتائیں ادارگ ، محکمہ ءُ ٹوھیں کساس ءَ مردم آں شرکت کت ۔ سلاھ بندیں ارد ءِ محکمہ آئی ایس پی آر ءِ شریکداری ءِ گوما سئیں سلاھ بندیں ارد آنی براس بینڈز سازگر” ھم اے راجی کوشست ءَ ھوار انت۔ ایشانی تہ ءَ 155 گلوکار ، 48 سائزگر ءُ 6 بینڈ ماسٹر آں بھر زوری کت۔ ھاسیں گپ ایش انت کہ راجی سوت ءَ را نوکیں ساز ءُ جوانیں اکس بندی ءِ گوما ریکاڈنگ کنگ بوتگ ءُ ایشرا پاکستان ءِ توامیں دود ءُ ربیدگ ءُ دمگی رنگ ءُ نکش آنی گوما جوڑ کنگ بوتگ۔ “اتحاد، اخوت ” ءُ دمگی پجار آنی کلوہ ھم دیگ بوتگ۔
